பால்: 2 - பொருள்; இயல்: 05 - அரசியல்; அதிகாரம்: 042 - கேள்வி
0411. செல்வத்துள் செல்வம் செவிச்செல்வம் அச்செல்வம்
செல்வத்துள் எல்லாம் தலை
விழியப்பன் விளக்கம்: கேட்பதால் விளையும் அறிவுச் செல்வமானது, பல்வகைச்
செல்வங்களில் ஒன்றாகும்; அச்செல்வம், செல்வங்கள் எல்லாவற்றிலும் தலையானதாகும்.
செல்வத்துள் எல்லாம் தலை
விழியப்பன் விளக்கம்: கேட்பதால் விளையும் அறிவுச் செல்வமானது, பல்வகைச்
செல்வங்களில் ஒன்றாகும்; அச்செல்வம், செல்வங்கள் எல்லாவற்றிலும் தலையானதாகும்.
(அது போல்...)
பிறப்பால் கிடைக்கும் பெற்றோர் உறவானது, பல்வகை உறவுகளில் ஒன்றாகும்; அவ்வுறவு,
உறவுகள் அனைத்திலும் சிறந்ததாகும்.
0412. செவிக்குண வில்லாத போழ்து சிறிது
வயிற்றுக்கும் ஈயப் படும்
விழியப்பன் விளக்கம்: செவிக்கு உணவான "கேட்டல்" கிடைக்காத நேரத்தில்;
கேள்வியைத் தொடர்ந்திட, வயிற்றுக்கும் சிறிய அளவில் உணவளிக்க வேண்டும்.
வயிற்றுக்கும் ஈயப் படும்
விழியப்பன் விளக்கம்: செவிக்கு உணவான "கேட்டல்" கிடைக்காத நேரத்தில்;
கேள்வியைத் தொடர்ந்திட, வயிற்றுக்கும் சிறிய அளவில் உணவளிக்க வேண்டும்.
(அது போல்...)
மனதை மகிழ்விக்கும் "சிந்தனை" இல்லாத சமயத்தில்; சிந்தனையைப் பெருக்கிட,
உடலுக்கும் போதிய அளவில் மகிழ்வளிக்க வேண்டும்.
0413. செவியுணவிற் கேள்வி யுடையார் அவியுணவின்
ஆன்றாரோ டொப்பர் நிலத்து
விழியப்பன் விளக்கம்: இப்புவியுலகில், செவிக்கு உணவான கேள்வியறிவைக்
கொண்டிருப்போர்; வேள்வியில் வார்க்கும் நெய் போன்றவற்றை உணவாக கொள்ளும்,
தேவர்களுக்கு இணையானவர் ஆவர்.
ஆன்றாரோ டொப்பர் நிலத்து
விழியப்பன் விளக்கம்: இப்புவியுலகில், செவிக்கு உணவான கேள்வியறிவைக்
கொண்டிருப்போர்; வேள்வியில் வார்க்கும் நெய் போன்றவற்றை உணவாக கொள்ளும்,
தேவர்களுக்கு இணையானவர் ஆவர்.
(அது போல்...)
இச்சமூகத்தில், பேரின்பம் அளிக்கும் பொதுநலனைப் பேணுவோர்; உடம்பில் இருக்கும்
உயிரணு போன்றவற்றை அங்கமாக அளிக்கும், இயற்கைக்கு ஒப்பானவர் ஆவர்.
0414. கற்றில னாயினுங் கேட்க அஃதொருவற்கு
ஒற்கத்தின் ஊற்றாந் துணை
விழியப்பன் விளக்கம்: கற்காதவர் ஆயினும், கேள்வியறிவை வளர்த்தல் வேண்டும்; ஒருவர்
தளர்வடையும் நேரத்தில, அது “ஊன்றுகோல்" போல் துணையாய் இருக்கும்.
ஒற்கத்தின் ஊற்றாந் துணை
விழியப்பன் விளக்கம்: கற்காதவர் ஆயினும், கேள்வியறிவை வளர்த்தல் வேண்டும்; ஒருவர்
தளர்வடையும் நேரத்தில, அது “ஊன்றுகோல்" போல் துணையாய் இருக்கும்.
(அது போல்...)
பொதுப்பணி செய்யாவிடினும், பணியாற்றுவோரை ஆதரித்தல் வேன்டும்; ஒருவரின் மரணப்
படுக்கையில், அது “உயிர்சக்தி" போல் மனத்திடம் அளிக்கும்.
0415. இழுக்கல் உடையுழி ஊற்றுக்கோல் அற்றே
ஒழுக்க முடையார்வாய்ச் சொல்
விழியப்பன் விளக்கம்: ஒழுக்கமுடைய சான்றோரின், பேச்சு மூலம் பெறப்படும்
கேள்விஞானம்; வழுக்கும் தன்மையுடைய இடத்தில், உறுதியாய் நிற்க உதவும்
ஊன்றுகோல் போன்றதாகும்.
ஒழுக்க முடையார்வாய்ச் சொல்
விழியப்பன் விளக்கம்: ஒழுக்கமுடைய சான்றோரின், பேச்சு மூலம் பெறப்படும்
கேள்விஞானம்; வழுக்கும் தன்மையுடைய இடத்தில், உறுதியாய் நிற்க உதவும்
ஊன்றுகோல் போன்றதாகும்.
(அது போல்...)
அருளுடைய குருவின், வழிகாட்டல் மூலம் கற்கும் மெய்ஞானம்; அதீதமான ஆழமுள்ள
கடலில், மூழ்காமல் கரையேற உதவும் மிதவை போன்றதாகும்.
0416. எனைத்தானும் நல்லவை கேட்க அனைத்தானும்
ஆன்ற பெருமை தரும்
விழியப்பன் விளக்கம்: இயன்ற அளவில் நல்லவற்றைக் கேட்டு, பகுத்தறிவை வளர்க்க
வேண்டும்; அப்படி நாம் வளர்க்கும் அளவிற்கு, நிலைத்த பெருமை கிடைக்கும்.
ஆன்ற பெருமை தரும்
விழியப்பன் விளக்கம்: இயன்ற அளவில் நல்லவற்றைக் கேட்டு, பகுத்தறிவை வளர்க்க
வேண்டும்; அப்படி நாம் வளர்க்கும் அளவிற்கு, நிலைத்த பெருமை கிடைக்கும்.
(அது போல்...)
முடிந்த வரை அறமுள்ளோரைத் தேர்ந்தெடுத்து, உறவுகளைத் தொடர வேண்டும்; அப்படி
நாம் தொடரும் அளவிற்கு, சிறந்த பிறவிப்பயன் விளையும்.
0417. பிழைத்துணர்ந்தும் பேதைமை சொல்லார் இழைத்துணர்ந்து
ஈண்டிய கேள்வி யவர்
விழியப்பன் விளக்கம்: கேள்வியெனும் தேடலால், ஆழ்ந்தறிந்த அறிவைப் பெற்றவர்;
தவறான புரிதல் இருப்பினும், அறிவிலியான முறையில் பேசமாட்டார்கள்.
ஈண்டிய கேள்வி யவர்
விழியப்பன் விளக்கம்: கேள்வியெனும் தேடலால், ஆழ்ந்தறிந்த அறிவைப் பெற்றவர்;
தவறான புரிதல் இருப்பினும், அறிவிலியான முறையில் பேசமாட்டார்கள்.
(அது போல்...)
பொதுநலம் பேணுதலில், முழுமையாய் தம்மை ஆட்படுத்தியோர்; குறையுடைய
எதிர்கட்சிகளைக் கூட, சுயநலமான எண்ணத்தில் விமர்சிக்கமாட்டார்கள்.
0418. கேட்பினுங் கேளாத் தகையவே கேள்வியால்
தோட்கப் படாத செவி
விழியப்பன் விளக்கம்: கேள்வியெனும் முதலீட்டால், கேள்விஞானத்தை வளர்க்கும்
திறனற்றோரின் செவிகள்; கேட்கும் திறனிருப்பினும், கேட்கவியலாச் செவிகளாகவே
உணரப்படும்.
தோட்கப் படாத செவி
விழியப்பன் விளக்கம்: கேள்வியெனும் முதலீட்டால், கேள்விஞானத்தை வளர்க்கும்
திறனற்றோரின் செவிகள்; கேட்கும் திறனிருப்பினும், கேட்கவியலாச் செவிகளாகவே
உணரப்படும்.
(அது போல்...)
சிந்தனையெனும் விவசாயத்தால், பகுத்தறிவை அருவடைக்கும் இயல்பற்றோரின் மூளை;
இயங்கும் நிலையிலிருப்பினும், மரணமடைந்த மூளைக்கு இணையாகும்.
0419. நுணங்கிய கேள்விய ரல்லார் வணங்கிய
வாயின ராதல் அரிது
விழியப்பன் விளக்கம்: ஆழ்ந்தறியும் கேள்வி ஞானம் இல்லாதவர்; பிறர் வணங்கும் வண்ணம்,
பண்பான சொற்களைப் பேசுபவராதால் அரிதானது.
வாயின ராதல் அரிது
விழியப்பன் விளக்கம்: ஆழ்ந்தறியும் கேள்வி ஞானம் இல்லாதவர்; பிறர் வணங்கும் வண்ணம்,
பண்பான சொற்களைப் பேசுபவராதால் அரிதானது.
(அது போல்...)
வியத்தகு உறவுப் புரிதல் இல்லாதோர்; சமுதாயம் போற்றும் வகையில், உயர்வான
சந்ததிகளை உருவாக்குதல் கடினமானது.
0420. செவியிற் சுவையுணரா வாயுணர்வின் மாக்கள்
அவியினும் வாழினும் என்
விழியப்பன் விளக்கம்: செவிக்கு உணவான, கேள்வியறிவின் சுவை உணராமல்; வாயின்
சுவை மட்டும் உணர்ந்தோர், இறந்தாலும்/வாழ்ந்தாலும் என்ன பயன்?
அவியினும் வாழினும் என்
விழியப்பன் விளக்கம்: செவிக்கு உணவான, கேள்வியறிவின் சுவை உணராமல்; வாயின்
சுவை மட்டும் உணர்ந்தோர், இறந்தாலும்/வாழ்ந்தாலும் என்ன பயன்?
(அது போல்...)
உலகின் உயிரான, விவசாயத்தின் உன்னதம் புரியாமல்; பணத்தின் உன்னதம் மட்டும்
உணர்ந்தோர், உயர்ந்தாலும்/தாழ்ந்தாலும் என்ன வித்தியாசம்?
*****
கருத்துகள் இல்லை:
கருத்துரையிடுக